Yoxsuzun şeirləri

 Məni dünənə görə üzrlü say,

Bu barədə sənə heç nə demədim.

Sən də heç nə hiss etmədin,

Mən axı, üzrlü idim.

Bütün tanrılar mənim sağlığıma içdilər,

Mən üzrlü idim!!... 

*** 

Mən bütün gələcəyi dün yaşadım,

Qurtardım.

Keçmişləri on gün bundan qabaq.

İndi isə qollarımı açıb səni yaşayıram-

Səni.

"Dərk" ədəbi cərəyanı haqqında məlumat vermişdim.Bu dəfə cərəyanın sonuncu məşğələsində oxunan bəzi şeirləri dərc edirəm.

                                                   Rəşad Abbas

                                                 Yoxsuzun şeirləri

Dünyanın sonudur, mənim əvvəlim,

Əvvəlim sonluğa bitişib gəlir.

Başımdan dördəlli tutub əllərim,

Bu nədir əlimdə bitişib gəlir.