Saçının ucun hördük də,
Səni yadlara verdik də
Hər gün oynayıb güldük də,
Utanmadıq barı,gəlin
Əfv et bizi, “Sarı gəlin.”
Sərt qışlarda,şaxtalarda,
Bilmədik ki yatdın harda.
Bizsə ipək pərqularda
Hiss etmədik qarı,gəlin.
Əfv et bizi, “Sarı gəlin.”
Duyammadıq diləyini.
Namərd kəsdi hələyini.
Parçalanmış ürəyini,
Ümidinlə sarı,gəlin
Əfv et bizi,”Sarı gəlin.”
Bənzərdin nurlu ulduza,
Yaraşıqdın yurdumuza.
Göz dikməkdən yolumuza
Ömrün oldu yarı,gəlin.
Əfv et bizi,”Sarı gəlin.”
Hərdən xəyallara daldıq,
Sənli günü arzuladıq.
Fəqət sənsiz qarşıladıq,
Bu il də baharı,gəlin.
Əfv et bizi,”Sarı gəlin.”
Baxış sayı:108
May 9, 2008 12:58 tarixində, Məhsəti tərəfindən,
Şeirlərim bölməsində yazılib.
Şərhlər(3)
Salam! " Sarı gəlin"i oxudum . Mənə qəribə hisslər yaşatdı. Amma deyə bilmirəm ki, bu hisslər qəmginlikdir, yoxsa utanmaqlıq. Bu şerini oxuyandan sonra cavablaya bilmədiyim qarışıq hisləri yaşayıram. Sən bilirsən ki, sənin şerlərin mənə çox xoş gəlir. "Sarı gəlin" yenə məni sənin o sehrli aləminə apardı. Yenə də sag ol belə gözəl şerlər yazdığına görə.
May 9, 2008 14:32